- 686 -

1443. März 15.

Vnsern frundlichen grus zuuor. Weisen liebin hirren vnd gute frunde, ewer warnunge haben wir in allem gutin vfgenomen vnd danken der ewer erbarkeyt mit allem fleisze; hiruff lassen wir euch wedir wissen, das wir getrawe spee ausgericht hattin vnd seyen auch sust. von eyme getrawen frunde in getrawer geheyme in eynerweysze gewarnet, das sich Opitcz Heyn, der von Cruschin vnd dy Redderer eyntrechticlich voreynet vnd vorbunden habin enandir in krige mechticlich zcuhelffin vnd bey zculegin vnd haben starke czammenunge reyssiger zcu Bolkinhayn vnd vil leyten of dem slosse legin gehabt vnd gemacht vnd nach drawunten vmbe vnd vmbe ken Behmen vnd an den von Tetschen geschicket, vnd eyn gut frund doselbist had dem vnsern in geheyme gesagit, daz sie vff Monstirberg adir Hayna czelen, ydoch zo besurge her vns dorynne, wenne sie vndir enandir gesprochin habin, Goltberg sy nyme als feste als Strelyn, sie getrawen is wol zcuhabin, also das wir hochbekommert seyn vnd fuste nachtwache tragen vnd ansloen mussen, hirvmbe liebin kerren vnde frunde, beten wir ewer vorsichtikeyt, an der hirschaft zcu erfaren, wes man sich zcu den Czirnern gancz vorsehen zal, als sie bewarte find seyen, vns eygentlichen dornoch zcuschicken vnd zcuhalden vnd begern antwort vf vnser gelt, daz wellen wir dangsam vordyenen. Gegebin vndder der stad secret am freytage vor Reminiscere im xliii ten jore.
Radmanne zcum Goltberge.

Mit Rückaufschrift an den Liegnitzer Rath.

Orig. Kgl Bibl z. Berl Ms. Boruss. f. 568, No. 98.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866